मस्कोको अमेरिकी दूतावासमा आरटीको प्रोजेक्टर सन्देश- ‘हामी कतै जाँदैनौँ’

काठमाडौं । रुसको राजधानी मस्कोस्थित अमेरिकी दूतावासमा रुसी विश्व च्यानल आरटीको सन्देश राखिएको छ ।

प्रोजेक्टरबाट राखिएको सन्देश मा भनिएको छ, ‘हामी कतै जाँदैनौ।’

अमेरिकी सरकारले रुसी विश्व च्यानल आरटीलाई गरेको प्रतिबन्धको विरुद्ध यस्तो गरिएको हो । आरटीले यसलाई ‘कूटनीतिक प्राङ्क’को नाम दिएको छ ।

प्रोजेक्टरमा लेखिएको भाषा रुसी र अङ्ग्रेजी छ भने आरटीको लोगो नि राखिएको छ ।

अमेरिका र रुसले युक्रेन मुद्दालाई लिएर विभिन्न मोर्चामा युद्ध गरिरहेका छन्।

मिडिया मोर्चा पछिल्लो समयमा सार्वजनिक देखिएको छ ।