काठमाडौं । सरकारले सिफारिस गरेका १७ जना राजदूतको नाम संसदीय सुनुवाइ समितिबाट बहुमतले अनुमोदन भएकोमा जनता समाजवादी पार्टी (जसपा) नेपाल र राष्ट्रिय स्वतन्त्र पार्टी (रास्वपा)ले फरक मत राखेका छन् ।
१७ मुलुकका लागि १७ जना राजदूत सरकारबाट सिफारिस भएकोमा जसपा र स्वपाले दक्षिण अफ्रिकाका लागि प्रस्तावित राजदूत कपिलमान श्रेष्ठ, मलेसियाका लागि प्रस्तावित राजदूत नेत्रप्रसाद तिमल्सिना, इजरायलका लागि प्रस्तावित राजदूत धनप्रसाद पण्डित र भारतका लागि प्रस्तावित राजदूत शंकर शर्माको नाममा फरकमत राखेको हो ।
जसमा जसपाका सांसद प्रकाश अधिकारीले शंकर शर्मा र कपिलमान श्रेष्ठलाई अनुमोदन नगर्नुपर्ने भन्दै जसपाले फरक मत राखेका हुन् भने रास्वपाका सांसद डोलप्रसाद अर्यालले कपिलमान श्रेष्ठ, प्रा.धनप्रसाद पण्डित र डा.नेत्रप्रसाद तिमल्सिनालाई अनुमोदन गर्न नहुने भन्दै फरक मत राखेको हो ।
श्रीलंकाका लागि प्रस्तावित रामकृष्ण भट्टराईको स्नातक तहको प्रमाणपत्र नभेटिएपछि अर्को बैठकबाट मात्रै निर्णय गरिने समितिका सभापति इश्वरीदेवी न्यौपानेले जानकारी दिइन् ।
जसपाका सांसद अधिकारी र रास्वपा सांसद अर्यालले राजदूत नियुक्ति सम्बन्धी निर्देशिका २०७५ को विपरित डा.शर्मा भारतका लागि दोहोर्याएर भएको र राष्ट्रिय मानव अधिकार आयोगको सदस्य रहिसेकेको व्यक्ति डा.श्रेष्ठ दक्षिण अफ्रिकाका लागि राजदूतमा नियुक्ति भएको भन्दै फरकमत राखेका हुन् ।
उनले इजरायलका लागि नियुक्त राजदूत पण्डित सरकारी जरिवाना लागेको र उच्च अदालत समेतको जरिवानालाई जायज ठहर गरेको तथा नेपाल रेडक्रम सोसाइटी जस्तो उच्च सामाजिक संसथाको प्रमुख भएर पनि त्यस अनुसारको आचार नगरेको सरकारको ठहर सहित नसिहत दिएको विरुद्ध सर्वोच्च अदालतमा मुद्दा हालेको भन्दै फरक मत राखिएको हो ।
यस्तै मुद्दा चलिरहेकै अवस्थामा डा.तिमल्सिना मलेशियाका लागि राजदूत नियुक्त भएका व्यक्ति सरकार र राष्ट्रको प्रतिनिधित्व योग्य नरहेको फरक मतमा उल्लेख छ ।
Leave a Reply