काठमाडौँ । गत चैत्र ९ गते देखि प्रदर्शनमा आएको चलचित्र ‘महाजात्रा’ले नेपाल र बाहिर गरी २६ करोड ६५ लाख कुल कसेक्सन गरेको छ।
चलचित्रले एक महिनामा २६ करोड माथिको कलेक्सन गर्दै पाँचौँ सातामा प्रवेश गरेको हो।
साढे तीन करोड लागतमा निर्मित चलचित्रले घरेलु थिएटरका झण्डै डेढ सय फिल्म हलबाट १५ करोड ९० लाख रुपैयाँ कलेक्सन गरेको छ भने नेपाल बाहेक वर्ल्ड वाइड १० करोड ७५ बराबरको व्यापार गरेको छ ।
षट्कोण आर्ट्सबाट निर्मित अघिल्ला चलचित्रको रेकर्ड तोडेको ‘महाजात्रा’ ले २६ करोड माथि ग्रस कलेक्सन गर्दा कसको भागमा कति पर्यो त < यसबारे भने निर्देशक प्रदीप भट्टराई बोल्न चाहेनन्।
चलचित्र सबैको शेयरमा निर्माण भएको र यो नितान्त भित्री कुरा भएकाले यसबारे बोल्न उचित नरहेको उनले सुनाए।
प्रदीप भट्टराईको लेखन तथा निर्देशनमा तयार भएको चलचित्रमा हरिवंश आचार्य, वर्षा राउत, दिव्य देव, अर्जुनजंग शाही, प्रकाश घिमिरे, राजाराम पौडेल, प्रवीण खतिवडा, सुमन कार्की, शिशिर बाङ्देल, गौमाया गुरुङ, अरविन खड्का लगायतका कलाकारको अभिनय रहेको छ । म्याक्स दीपेशखत्री र यज्ञश्वर पौडेलले संयुक्त रूपमा निर्माण गरेका चलचित्रका कार्यकारी निर्माता रवीन्द्रसिंह बानियाँ हुन् ।
Leave a Reply