जनयुद्ध दिवसलाई अदालतले रोकेको छ, तर हामीले मनायौंः प्रधानमन्त्री प्रचण्ड (भिडिओ)

काठमाडौं । प्रधानमन्त्री पुष्पकमल दाहाल ‘प्रचण्ड’ ले शान्ति प्रक्रियाको बाँकी काम टुंगिएपछि जनयुद्ध दिवसलाई राष्ट्रिय दिवसको रूपमा फेरि मनाउन पाउने विश्वास व्यक्त गरेका छन् । २३ औं मजदुर बलिदानी दिवस तथा पुस्तक विमोचन कार्यक्रममा बोल्दै आफूले बिदा घोषणा गरेपनि अदालतले रोकेको बताए ।

उनले भने, ‘राज्यले शहीदहरूलाई राष्ट्रिय सम्मान दिएर जनयुद्ध दिवसलाई राष्ट्रिय दिवस र बिदा पनि मैले गरेको थिएँ गतसाल । सरकारकै क्यालेण्डरमा जनयुद्ध दिवस बिदा भनेर लेखिएको छ । तर, अदालतले शान्ति प्रक्रिया पूरै नटुंगिएको हुँदा यो दिवस मनाउदाखेरी.. भनेर रोकेको छ । हामीले त्यो भनाइलाई केही कमेन्ट गरेको छैन । म त झन् प्रधानमन्त्री भएकाले त्यसमा कमेन्ट गर्न पनि अप्ठ्यारो हुन्छ । तर, हामीले त मनायौं । सरकारको तर्फबाट एकपटक निर्णय भइसकेको छ ।’

उनले संक्रमणकालीन न्यायसम्बन्धी बाँकी कामलाई चाँडै टुंग्याउनेगरी काम भइरहेको बताए ।