प्यूठानमा उद्योगमन्त्री रोज राणा आयोजकसँग रिसाउँदै भने- फितलो व्यवस्थापन गर्नेलाई कारबाही हुन्छ

रुपन्देही । प्यूठानमा आयोजित तेह्रौं राष्ट्रपति रनिङ शिल्ड प्रतियोगिताको उद्दघाटन कार्यक्रममा पुगेका लुम्बिनी प्रदेशका उद्योग, वाणिज्य, श्रम तथा यातायात मन्त्री सरोज थापा (रोज राणा) रिसाएका छन् ।

आयोजकले कार्यक्रमको फितलो व्यवस्थापन गरेको भन्दै मन्त्री थापाले दुई मिनेटभित्रै आफ्नो मन्तव्य सकाएका थिए ।

ुकार्यक्रम व्यवस्थित गर्न सकिन्न भने तपाईंहरूलाई कार्यक्रम गर्ने अधिकार छैन, मन्त्री थापाले भने, ुसरकारीस्तरमा आयोजना हुने कार्यक्रम जसरी गरे पनि हुन्छ भन्ने मान्यताप्रति मेरो गम्भीर आपत्ति छ।ु यो लापरवाहीको बारेमा प्रदेशमा कुरा उठाउने उनले बताए ।

आफ्नो कर्तव्यप्रति आफू सजग तथा प्रतिबद्ध रहेको उनले सुनाए। विद्यार्थी खेलाडीलाई मन्त्री थापाले सफलताको शुभकामना दिएका छन् ।

जिल्ला खेलकुद विकास समिति प्यूठानको आयोजनामा प्रतियोगिता आजदेखि गणतान्त्रिक खेल मैदान बिजुवारमा सुरु भएको छ ।

प्रतियोगितामा भलिबल, एथलेटिक्स, कराँते, तेक्वान्दो र कबड्डी विधामा विद्यार्थी खेलाडीहरुले प्रतिस्पर्धा गर्नेछन् । ९ वटै स्थानीय तहबाट विद्यार्थी खेलाडीहरुको सहभागिता रहेको जिल्ला खेलकुद विकास समिति प्यूठानका अध्यक्ष हुमलाल नेपालीले बताए ।