जाडो बढेपछि बुटवलमा तीन दिन विद्यालय बिदा

रुपन्देही । जाडो बढ्दै गएपछि बुटवल उपमहानगरपालिकाले तीन दिन विद्यालयहरूमा जाडो बिदा दिएको छ। माघ ७ देखि ९ गतेसम्म ३ दिन विद्यालयहरूमा जाडो विदा दिएको हो। उपमहानगरपालिका प्रमुख प्रशासकीय अधिकृत मित्रमणी खनालले एक सूचना जारी गर्दै उपमहानगर भित्रका सबै विद्यालयमा माघ ७ गतेदेखि ९ गतेसम्म बिदा दिने बताए।

‘यस उपमहानगरपालिकाको माघ ५ को निर्णयानुसार अत्यन्तै जाडो बढेको कारण यस उपमहानगरपालिका अन्तर्गत संचालित सामुदायिक, संस्थागत तथा धार्मिक विद्यालयहरुमा माघ ७ गतेदेखि ९ गते तिन दिनसम्मको लागि जाडो बिदा (हिउँदे बिदा) गरिएको व्यहोरा जानकारीको लागि अनुरोध छ,’ सूचनामा भनिएको छ।

पछिल्लो केही दिनयता बुटवल जाडोका कारण बालबालिका तथा वृद्धसहित जनजीवन प्रभावित बनिरहेको छ।