बुढेसकालमा छोरा-बुहारीले गर्ने अपहेलनाको कथा बोकेको ‘निक्लेर जा भन्छ छोराले’ सार्वजनिक

काठमाडौं । वृद्धाश्रम पठाउन कस्सिएका छोरा बुहारीको कथा बोकेको गीतिकथा ‘निक्लेर जा भन्छ छोराले’ सार्वजनिक भएको छ ।
राजनराज शिवाकोटीको शब्द र सङ्गीत रहेको गीतमा राजनराजलाई आवाजमा टिका पुन र रिता केसीले साथ दिएका छन् । भिडियोको कथा र प्रस्तुति मनछुने बनाइएको छ ।

नेपाली समाजमा छोरालाई बुढेसकालको साहाराको रूपमा हेरिने गर्दछ। तर त्यहीँ छोराले आमा बाबुलाई गरेको अपहेलनाको कथालाई गीतिकथा ‘निक्लेर जा भन्छ छोराले ले देखाउन खोजेको छ।

भिडियोले अन्त्यमा आमालाई गर्नु पर्ने माया र कर्तव्यको बोध गराएको छ । वृद्धाश्रम पुगेपछि आमाको माया महसुस गरेका छोराको व्यथा निकै मार्मिकरुपमा देखाइएको छ।

विभोर पोख्रेलले निर्देशन गरेको भिडियोलाई रेबेल क्रिएशनको प्रस्तुतिमा गगन लाल प्रधानले निर्माण गरेका छन् । भिडियोमा हिउँवाला गौतम, सुवास सिंह ठकुरी, कृतिशा केसी, दीपिका भट्ट, सुनिल बुढाथोकी र खेम नेपालीको अभिनय रहेको छ। बाल कलाकारको रूपमा अस्लिशा लोहनी र दिव्यांश सिग्देलले अभिनय गरेका छन्। विशाल थापाले खिचेको भिडियोलाई नहकुल खड्काले सम्पादन गरेका हुन ।