काठमाडौं । नेपाल स्काउटको निर्वाचनअन्तर्गत स्थानीय पालिका परिषद् निर्वाचनको उम्मेद्वार मनोनयन दर्ता सकिएको छ ।
आइतबार भएको मनोनयन दर्तामा देशभरबाट स्थानीय परिषद् सदस्यका लागि १६१३ जनाले उम्मेदवारी दिएको केन्द्रीय निर्वाचन समितिका संयोजक मुकुन्द अधिकारीले बताए ।
२०६८ सालपछि निर्वाचन गर्ने प्रयोजनका लागि बनेका ४ वटा तदर्थ समितिहरूले स्काउटको निर्वाचन गराउन सकेका थिएनन् । करिब १२ वर्षपछि हुन लागेको नेपाल स्काउटको स्थानीय, प्रदेश र केन्द्रीय परिषद्को निर्वाचनमा उत्सहजनक सहभागिता देखिएको छ ।
नेपाल स्काउटले पूर्वनिर्धारित निर्वाचन तालिकाअनुसार आइतबार स्थानीय परिषद् सदस्य निर्वाचनका लागि उम्मेद्वारको मनोनयन दर्ता गराएको हो । आइतबार मनोनयन दर्ता गराएका उम्मेद्वारहरुको निर्वाचन पुस २७-२९ सम्म हुनेछ । भने प्रदेश र केन्द्रीय परिषद्को निर्वाचान काठमाडौंमा हुने नेपाल स्काउटले जनाएको छ ।
Leave a Reply