रास्वपा बैठक : बर्खाअघि नै भूकम्प प्रभावित क्षेत्रको पुनर्निर्माण गरिसक्न सरकारको ध्यानाकर्षण

काठमाडौं । राष्ट्रिय स्वतन्त्र पार्टीले भूकम्प प्रभावित क्षेत्रमा तत्कालको समस्या समाधान गर्नको लागि तीनै तहको सरकार गम्भीर भएर लाग्न आग्रह गरेको छ ।

बिहीबार बसेको संसदीय र केन्द्रीय समितिको बैठकपछि प्रवक्ता डा. मुकुल ढकालले भुकम्प आएको एक सातासम्म आवश्यक त्रिपाल कम्वललगायतको सामग्री पीडितकहाँ पुग्न नसकेकोप्रति भर्त्सना गरेको बताए ।

उनले भने, ‘राहत न्यायोचित वितरण गरेर जनतालाई जाडोबाट जोगाउनको लागि सरकारले व्यवस्थापन गर्नुपर्छ। प्रभावित क्षेत्रमा महामारी फैलिन नदिन पनि सरकार गम्भीर हुनुपर्छ ।’

उनले आगामी बर्खाअघि नै पुनर्निर्माण गरिसक्न सरकारसँग ध्यानाकर्षण गराएका छन् ।