रोशन र अस्मिताको ‘सलल’मा प्रिज्मा–प्रिन्सी र राजको नोकझोक

काठमाडौं। गायक रोशन अधिकारी र गायिका अस्मिता अधिकारीको आवाजमा ‘सलल’ बोलको नयाँ गीत सार्वजनिक गरिएको छ।

राजधानीमा एक कार्यक्रम बिच सार्वजनिक भएको गीतको भिडिओमा गायक रोशन स्वयंमले अभिनय गरेका छन्।

भिडिओमा उनलाई ट्विनी गर्ल प्रिजा र प्रिन्सी खतिवडा र राज आचार्यले साथ दिएका छन्। डान्सिङ्ग बिटमा बनेको भिडिओ पनि निकै आकर्षक बनेको छ। भिडियोमा रोशन, प्रिजा, प्रिन्सी र राजलाई गम्भीर बिष्टले करियोग्राफी गरेका छन्।

स्टार इन्टरटेनमेन्ट नेपालको ब्यानरमा बनेको गीतमा लेखु सहयात्रीको शब्द संगीत, उदय राज पौडेलको एरेन्ज र श्यामस्वेत रसाइलीको मिक्सिङ्ग तथा मास्टरिङ्ग रहेको छ। भिडिओलाई दिन्सोन शाहले कलर करेक्सन गरेका हुन्।

पवन सुश्लिङ्गले खिचेको भिडिओको कन्सेप्ट तथा निर्देशन गम्भीर बिष्टले गरेका हुन् भने भिडिओमा सुरेन्द्र बसेलको सहनिर्देशन रहेको छ।