काठमाडौं । ‘छोराजस्तो छोरी हैन, छोरीजस्तो छोरी बनाउने हो’ भन्ने मूल नाराका साथ बैंकर अनिल केशरी शाहले नारी टेलिभिजनमार्फत ‘नारी’ पोडकास्ट ल्याउने भएका छन।
टिभिएस एन्र्टक प्रायोजकका रुपमा रहेको पोडकास्टमा नेपालका १२ उत्कृष्ट, अभूतपूर्व तथा महिमावान नारीहरुको जीवनयात्रा, आरोहअवरोहका साथै उनीहरुका तितामीठा यादहरुलाई साटिनेछन्। दर्शकले कार्यक्रमको १२ वटा श्रृंखला हेर्न पाउनेछन्।
कार्यक्रमको मुल उद्देश्यबारे जानकारी दिदैँ शाहले एक भिडिओ समेत सार्वजनिक गरेका छन। सार्वजनिक भिडिओमा उनले कार्यक्रम छिट्टै प्रशारण हुने जनाएका छन्।
‘हिरो भन्नासाथ अधिकांशले पुरुष भन्ने बुज्नुहुन्छ। तर नारीहरु पनि हिरो छन जसको पसिना र बुद्धिले गर्दा आज हाम्रो देश यहाँ पुगेको छ’,उनले भनेका,‘यहाँ कैयौँ त्यस्ता नेपाली महिलाहरु छन जसले आफ्नो क्षेत्रमा आफूलाई प्रमाणित गरेका छन्। जसले अविश्वसनीय काम गरिरहेका छन् । जोे नेपाल वा विश्वको जुनसुकै ठाउँमा रहेका नेपाली महिलाहरुका लागि प्रेरणको स्रोत बनेका छन्।’
शाहले आफ्नो पोडकास्टमा नेपालका १२ जना महिमावान महिलाहरू निम्त्याउन पाएकोमा आफूलाई गर्व लागेको कुरा पनि भिडिओमा उल्लेख गरेका छन।
Leave a Reply