‘हात्तीछाप’ को फस्टलुक- ‘बोत्तल राजा’ को पात्रमा देखिए सौगात

काठमाडौं । चलचित्र ‘हात्तीछाप’ को प्रदर्शन मिति घोषणा भएको छ । किरण नेपालीको प्रस्तुतिमा रहेको सो चलचित्रको फस्टलुक सार्वजनिक गर्दै प्रदर्शन मिति घोषणा गरिएको हो ।

सिमोस सुनुवारको निर्देशनमा तयार भएको यो फिल्म माघको २६ गतेबाट रिलिज हुने पक्का भएको छ ।

यो फिल्मको फस्टलुकमा नायक सौगात मल्ललाई ‘बोत्तल राजा’ को पात्रमा प्रस्तुत गरिएको छ ।

प्रदीप भारद्वाजको लेखनमा तयार भएको यो फिल्ममा सौगातको साथमा दयाहाङ राई, उपासना सिंह ठकुरी, बेनिशा हमाल, विजय बराल, बुद्धि तामाङ, कमलमणि नेपाल, राजन खतिवडाको अभिनय छ ।

यस्तै पुष्कर गुरुङ, प्रकाश घिमिरे, विल्सन विक्रम राई, विनोद न्यौपाने, कविता आले, रविन्द्र झा, रियर राई, सुष्मा निरौला, अनुप न्यौपाने, स्वस्तिका खड्का, नारायण खाती, अनिता गिरी, विन भुजेल लगायतका कलाकारको अभिनय छ ।

यो फिल्ममा सुशन प्रजापतिको छायांकन छ । काठमाडौं र पोखरामा खिचिएको फिल्मले सामाजिक कथालाई कमेडीको शैलीमा प्रस्तुत गरेको छ । किरणले नै यसअघि दया, सौगात र उपासनालाई लिएर निर्माण गरेको फिल्म ‘२ नम्बरी’ले बक्स अफिसमा सुखद कमाई गरेको थियो ।

फिल्म ‘हात्तीछाप’ मा पनि ‘२ नम्बरी’ कै हिट टीम दोहोरिएको छ । यो फिल्ममा राजिव गुरुङ, पुष्कर गुरुङ र अमलादेवी राइको लगानी छ । फिल्मका कार्यकारी निर्माता सरोज नेपाली हुन् ।

यो फिल्ममा आर्टमान्डुको संगीत, रामजी लामिछानेको कोरियोग्राफी, निमेष श्रेष्ठको सम्पादन, आरआर फिल्मसको वितरण रहनेछ ।