बालकुमारी पुलमुनि फोहोर फाल्ने १९ जनालाई जरिवाना तिरायाे

काठमाडौं । काठमाडौ महानगरपालिकाले बालकुमारी पुलमुनि फोहोर फाल्ने  १९ जनालाई जरिवाना तिराएकाे छ  ।

महानगरपालिकाले वडा नं ३२ कोटेश्वर बालकुमारी तर्फ आकासेपुलमुनि राति फोहोर फाल्ने १९ जनालाई पक्राउ गरी जरिवाना तिराएकाे हाे ।

उनीहरुलाई फोहोर फालेबापत ५ हजार, २ हजार, १ हजारको दरले जरिवाना तिराएको  महानगरपालिकाले जनाएकाे छ ।

महानगरले उनीहरुबाट ५० हजार ५सय जरिवाना गरेको हो । बालकुमारी पुलमा रातको समयमा फोहोर फाल्ने गरेको गुनासो आएपछि महानगरले निगरानी बढाएको थियो ।