रघुजी फिल्म्सको ब्यानरमा निर्माण हुने चलचित्रमा अभिनेता मुकुन अनुबन्धित

काठमाडौं। जनैपूर्णिमाको अवसर पारेर रघुजी फिल्म्सको ब्यानरमा निर्माण हन लागेको अनटाइटल चलचित्रको औपचारिक घोषणा गरिएको छ।

पारिवारिक कथामा बन्ने चलचित्रमा मुख्य अभिनेता मुकुन भुषाल अनुबन्धित भएका छन्। चलचित्रमा डेब्यु अभिनेता मिलन मिश्र पनि अनुबन्ध भएका छन्।

दुई अभिनेत्रीको खोजी कार्य भईरहेको निर्माण पक्षले जनाएको छ। रघुनाथ सापकोटाको कथा र सुनिल निउरेको पटकथा संवाद रहने चलचित्रको निर्देशन नबिन भट्टले गर्ने भएका छन्।

ज्ञानेन्द्र शर्मा हुँमागाईले छायाँकन गर्ने चलचित्रमा अर्जुन पोखरेलको संगीत रहनेछ। रघुनाथ सापकोटाको प्रस्तुतिमा निर्माण हुने चलचित्र असोज पहिलो साताबाट फ्लोरमा जाने तयारीमा रहेको छ।