काठमाडौं । नेकपा एकीकृत समाजवादीका महासचिव घनश्याम भुसालले माओवादी जनयुद्धलाई राज्यले मान्यता दिएर उसँग सहकार्य गरिसकेपछि पनि हत्यारा,आतंककारीजस्ता शब्द प्रयोग गर्नु अनुचित भएको टिप्पणी गरेका छन् ।
झापा क्रान्तिबारे लेखिएको किताब बिमोचन समारोहमा महासचिव भुसालले केपी ओलीले माओवादीसँग सम्बन्ध बिग्रिदा यस्तो आरोप लगाएको बताए ।
भुसालले भने– अहिले इतिहासको कुरा गर्दा,आज फर्केर हेर्दा खासगरी हाम्रो राजनीतिका नेतृत्वमा करमेड ओली लगायत कतिपय साथीहरुले इतहिासको बारेमा माओवादी आन्दोलनको बारेमा बोल्छन् । हिजो सहमति असहमति जे थियो होला,राज्यले के भनेर मान्यो भने यो गरेर धेरै मान्छेको ज्यान जगोउछ भनेर सबै सहमत भएर अघि बढेका हौं । जतिखेर मिलिन्छ महान भन्ने,जतिखेर मिलिदैन हत्यारा आतंककारी भन्ने इतिहास चेतको विभत्स,डरलाग्दो र घृणास्पद यो चेतना डरलाग्दो छ । यो त्यहि चेतना हो जसले लजहरी हाल्छ,दुनियालाई उपदेश दिन्छ । सोचेर ल्याउँदा मलाई एकदम उखुम हुन्छ ।
भुसालले झापा क्रान्तिको बारेमा लेखिएको किताबले नयाँ तथ्यहरु बाहिर ल्याएको बताए । पुस्तक निरोज कट्टेलले लेखेका हुन् ।
Leave a Reply