रियालिटी शो ‘दोहोरी आइकन’को फिजिकल अडिसन सुरु

काठमाडौँ। रियालिटी शो ‘दोहोरी आइकन’को फिजिकल अडिसन सुरु हुने भएको छ।

शो यहीँ श्रावण ३० गते अर्थात् भोली मङ्गलवार देखि चाबहिलस्थित पहेँलो पुलमा रहेको एजे स्टुडियोबाट अडिसन सुरु हुने भएको हो।

प्रतिस्पर्धामा पहिलो हुनेलाई २५ लाख रुपैयाँ पुरस्कार र वर्ल्ड टुरको व्यवस्था गरिएको छ। शोमा कोमल वली, पशुपति शर्मा र कुलेन्द्र विश्वकर्मा निर्णायकको रूपमा रहने छन्। शोको होस्टका रूपमा भने पीएन सापकोटा र शोभा त्रिपाठी देखिने भएका छन् ।

‘एजे इन्टरटेनमेन्ट ‘दोहोरी आइकन’को आयोजक हो। एजेको अनुसार शोको प्रसारण केही महिनापछि सुरु हुनेछ ।