हेटौंडाको बुद्ध चोकमा किसानले गरे दुई घण्टा चक्काजाम

हेटौंडा । अखिल नेपाल किसान महासंघ मकवानपुरले बागमती प्रदेशको राजधानी हेटौंडाको मुख्य चोक बुद्ध चोकमा दुई घण्टा चक्काजाम गरेको छ ।

पशुवस्तुमा लागेको लम्पी स्किन रोगको महामारीले विकराल भएको परिस्थितिमा पनि सरकार मौन रहेको भन्दै विरोध प्रदर्शन र चक्काजाम गरेको हो ।

किसानहरुले लम्पी स्किन रोगलाई महामारी रोग घोषणा गरी रोगका कारण मरेका पशुहरुको क्षतिपूतीको व्यवस्था गर्न सरकारसँग माग गरेका छन् ।

महासंघको सातै प्रदेशमा भएको विरोध तथा धर्ना कार्यक्रम अन्तर्गत मकवानपुरको हेटौंडाको बुद्धचोकमा भएको थियो ।