उद्धव थापाको बर्खास्तीको माग राख्दै परेको रिटमाथि प्रारम्भिक सुनुवाई सुरु

विराटनगर । कोशी प्रदेश सरकारको बर्खास्तीको माग राख्दै सवोच्चमा परेको रिट निवेदनका विषयमा सुनुवाई सुरु भएको छ ।

प्रदेश प्रमुख परशुराम खापुंगले कोशी प्रदेशको मुख्यमन्त्रीमा नेपाली कांग्रेसका उद्धव थापाको नियुक्तिको विषयमा नेकपा एमालेले दायर गरेको रिटमाथि प्रारम्भिक सुनुवाइ सुरु भएको छ । सर्वोच्च अदालतमा न्यायधीश सपना मल्लको इजलासमा सुनुवाइ सुरु भएको हो ।

लगातार तीन दिन पेसी तोकिएर पनि हेर्न नभ्याइनेमा राखिएको मुद्दा आज मल्लको इजलासको १८ औं नम्बरमा रहेको थियो ।

कोशी प्रदेशको मुख्यमन्त्रीमा नेपाली कांग्रेसका उद्धव थापाको नियुक्तिको विषयमा नेकपा एमालेले दायर गरेको रिटमाथि आइतबार न्यायाधीश डा. आनन्दमोहन भट्टराई, सोमबार सुष्मालता माथेमा र मंगलबार न्यायधीश तिलप्रसाद श्रेष्ठको इजलासमा सुनुवाइका लागि पेसी तोकिएको मुद्धा हेर्न नभ्याइनेमा राखिएको थियो ।

कोशी प्रदेश नेकपा एमाले संसदीय दलका नेता हिक्मत कुमार कार्कीले असंवैधानिक तरिकाले प्रदेशमा मुख्यमन्त्री नियुक्त गरेकाले त्यसलाई बदर गरी संविधानको धारा १६८ को उपधारा ३ अनुसार आफुलाई मुख्यमन्त्रीमा नियुक्त गर्न परमादेश माग गरेका छन् ।

एमालेले नेपाली कांग्रेस कोशी संसदीय दलका नेता उद्धव थापाले सभामुखसमेतलाई जोडेर दाबी पेस गर्दा मुख्यमन्त्री नियुक्त गर्ने प्रदेश प्रमुख परशुराम खापुङ, सभामुख बाबुराम गौतम र नवनियुक्त मुख्यमन्त्री उद्धव थापालाई विपक्षी बनाएरे रिट दायर गरेको छ ।

एमालेको तर्फबाट बरिष्ठ अधिवत्ता शम्भू थापा, डा। भीमार्जुन आचार्य, चन्द्रकान्त ज्ञावली, डा। सूर्य भण्डारी, टिकाराम भट्टराई, केदार दाहाललगायतका बरिष्ठ अधिवत्ताले बहस गर्ने भएका छन् । तर, माथेमाको इजलासको २४ औँ नम्बरमा मुद्धा रहेकाले आज पनि हेर्न नभ्याइनेमा पर्ने सक्ने सम्भावा छ ।