काठमाडौं । कोशी प्रदेशका मुख्यमन्त्री उद्धव थापाले सहमतिविपरित मन्त्रिपरिषद् विस्तार गरेको भन्दै नेकपा एसले असन्तुष्टि जनाएको छ ।
पहिलो चरणमा गठबन्धन दलका एक-एक जनामात्र समावेश गरेर मन्त्री बनाउने भनिएकोमा सहमति तोडिएको नेकपा एस संसदीय दलका नेता एवं पूर्वमुख्यमन्त्री राजेन्द्रकुमार राईले बताए ।
उनले भने, ‘हामीले सबै दलबाट एकएक जनामात्रै मन्त्री बनाउने सहमति गरेका थियौं । तर, त्यसलाई तोडेर मुख्यमन्त्रीले थप मन्त्री नियुक्त गर्नुभयो । यसमा हाम्रो आपत्ति छ ।’
राईले यस्तै कार्य जारी रहे सहकार्य अघि बढ्न नसक्ने चेतावनीसमेत दिएका छन् ।
‘यस्तै गरिरहने हो भने हाम्रो सहकार्य अघि बढ्न सक्दैन, विश्वासको मत पनि दिँदैनौ’, राईले बताए ।
मुख्यमन्त्री थापाले आज माओवादीका दुई र कांग्रेसका एकजना मन्त्री थपेका छन् । यसअघि एकजना शुक्रबार पनि कांग्रेस र नेकपा एसबाट एक-एकजना नियुक्त भइसकेका छन् ।
Leave a Reply