काठमाडौं । निर्माता ज्योतिराज राईको ब्यानरमा निर्माण भएको चलचित्र ‘लुङ्गा’को लिरिकल गीत सार्वजनिक गरिएको छ । सार्वजनिक ‘अल्लारे जोबन’ बोलको गीतमा आयुष प्रधानको स्वर, शब्द र संगीत रहेको छ ।
लिरिकल गीतमा चलचित्रका मुख्य पात्र भुवन सिंह राई र सारा लोहोरुङ राईको केही प्रेमील दृश्यहरु समावेश छन् । चलचित्र श्रावण ५ गतेबाट देशभर प्रदर्शनमा आउने तयारीमा रहेको छ ।
किरण राईको निर्देशित चलचित्रमा सन्जिब राई निर्माता, प्रयास घिमिरे कार्यकारी निर्माता र शान्ता पौडेल, मनिशा पाठक, मेनुका घिमिरे, कैलाश राई, टि.आर साम्सोहाङ सहनिर्माता रहेका छन् ।
पूर्वमा छायाँकन गरिएको चलचित्रमा बुद्धि तामाङ, भुवन सिंह राई, सारा लोहोरुङ राई, भिम शर्मा लिम्बू, प्रकाश दाहाल, अनुप लिङ्खिम, सुदिप जंग कार्की, गङ्गा बहादुर राई, सम्झना लिम्बू, रमेश बुढाथोकी, निशान लुइँटेल, स्मृति पोखरेल, सलिना गुरुङ लगायतका कलाकारको अभिनय रहेको छ ।
भुमिसा प्रोडक्सनसंग इस्टन मिडियाको सहकार्य रहेको चलचित्र ‘लुङा’मा बादल लिम्बू र अनिस श्रेष्ठको संगीत, सागर अर्यालको ध्वनि संयोजन, मिना कार्कीको श्रृङ्गार, किरण राईको छायांकन तथा सम्पादन, शैलेन्द्र बाबु प्रधानको पृष्ठभुमि संगीत, अनिल रानाको कलर करेक्सन र बिमल लिम्बू र निशान लुइँटेलकोकला निर्देशन रहेको छ। चलचित्रमा राजेश पायल राई, मेलिना राई, रचना रिमाल, आयुश प्रधान र निमा तामाङस्वर दिएका छन् ।
भुवन सिंह राईले लेखेको कथामा भुवन सिंह राई, प्रयास घिमिरे र निश्चल सापकोटाले पटकथा सम्बाद लेखन छ । चलचित्रको डिजिटल पार्टनर ओ.एस.आर डिजिटल रहेको छ। चलचित्रलाइ काठमाडौँमा जिजिए ग्रुप र काठमाडौँ बाहिर एफडि कम्पनीले वितरणको गर्नेछ ।
भिडिओ
Leave a Reply