काठमाडौं । जिल्ला अदालत काठमाडौंले क्रिकेट सन्दीप लामिछानेविरुद्ध मुद्दा हाल्ने गौशाला २६ लाई अन्तरिम क्षतिपूर्ति दिलाउन आदेश दिएको छ । आज अदालतका न्यायधीस प्रकाशप्रसाद पण्डितको इजलासले सो आदेश दिएको हो ।
अदालत स्रोतका अनुसार उपचार खर्चवापत १ लाख रुपैयाँ सरकारी कोषबाट दिलाउन आदेशमा भनिएको छ । गौशाला २६ ले भने करिब ३६ हजारको मात्रै बिल पेश गर्न सकेकी थिइन् । उनले मनोपरामर्शदातासँग प्रत्येक भिजिटको ३ हजारको दरले १० भिजिटको ३० हजार र औषधि उपचारको ६ हजार रुपैयाँ खर्च देखाएकी थिइन् ।
यस सम्वन्धमा अदालतले नर्भिक अस्पतालका चिकित्सकको रिपोर्टसमेत मगाएको थियो । उक्त रिपोर्टमा अस्पतालको मेडिकल कन्सल्टेसनको १ हजार र काउन्सीलिङको १५ सय शुल्क लाग्ने जनाएको थियो ।
अदालतले भने पिडितले मागेको भन्दा बढी क्षतिपूर्ति भराउन आदेश दिएको हो । यसअघि गौशला २६ ले सन्दीपबाट एक मुष्ट १० लाख र मासिक ५० हजार भरणपोषण खर्च मागेकी थिइन् ।
त्यसलाई भने अदालतले अस्वीकार गरेको थियो । अहिले अदालतको आदेश दिएको अन्तरिम क्षतिपूर्ति भने सरकारी कोषबाट भराउनुपर्ने हुन्छ ।
Leave a Reply