विराटनगर । मंसिर ४ को निर्वाचनमा जसपाका अशोक राईलाई छाडेपछि बागी उठेका धरानका पूर्वमेयर मनोजकुमार मेन्याङ्बो एमाले फर्किने तयारीमा रहेका छन् । उनले बालकोट पुगेर एमाले अध्यक्ष केपी शर्मा ओलीलाई समेत भेटेका छन् ।
बालकोटमा अध्यक्ष ओलीसँग सकारात्मक कुराकानी भएको मेन्याङ्बोले बताए ।
‘पार्टीमा सक्रिय भूमिकाको बारेमा मैले कुरा गरेँ । अध्यक्षज्यू सकारात्मक देखिनुभएको छ’, उनले नेपाल प्रेससँग भने ।
मेन्याङबो यसअघि एमाले कोशी प्रदेश कमिटी सदस्य थिए ।
२०४८ सालदेखि २०६४ बाहेक सधैँ एमालेले जितेको सुनसरी १ मा जसपाका अशोक राईलाई छाडेपछि उनले विद्रोह गरेका थिए । उनले ७ हजार ८१२ मत पाएका थिए । मनोजको विद्रोहमा एमालेका केही स्थानीय नेता कार्यकर्ताले समेत साथ दिएका थिए । मेन्याङ्बोसहित केही नेता कार्यकर्ता एमालेबाट कारबाहीमा परेका छन् । उनीमाथिको कारबाही भने फुकुवा गरिसकिएको छैन ।
Leave a Reply