काठमाडौं । नेकपा एकीकृत समाजवादीका प्रवक्ता तथा उपमहासचिव जगन्नाथ खतिवडाले एमालेलाई समाजवादी मोर्चामा सामेल गराउने विषयमा कुनै छलफल नभएको बताएका छन् ।
पार्टी पदाधिकारी र सचिवालयको बैठकपछि उनले भने, ‘एमालेसँग कुनै छलफल भएको छैन । अरु सबै समाजवादी शक्तिहरू एकैतिर केन्द्रिकृत भइरहे भने एमाले पनि एक्लै बस्न सक्ला नसक्ला पर्खेर हेर्नुपर्छ ।’
समाजवादी मोर्चाको विषयमा पार्टीभित्र कुनै विमति नरहेको उनले जिकिर गरे । उनले वामपन्थीहरूलाई एकैठाउँमा उभ्याएर समाजवादको पक्षमा वकालन गर्ने, समाजवादी अर्थमन्त्री निर्माणको जग बनाउनको लागि सरकारलाई प्रभावकारी बनाउनु मोर्चा बनाउन लागेको बताए ।
मोर्चामा आफ्नो पार्टीसहित माओवादी र जसपा निश्चित भइसकेको उल्लेख गर्दै विप्लवसहित अन्य दलहरू पनि सहभागीको कोसिसमा रहेको बताए ।
Leave a Reply