तनहुँ १ मा मतगणना शुरु हुँदै,पहिलो अपडेट मध्यरातमै आउँने

काठमाडौं । तनहुँ क्षेत्र नम्बर १ को मतगणना अब केही बेरमा शुरु हुने भएको छ । सर्वदलीय बैठकमा राति पौने १२ बजेबाट मतगणना शुरु गर्ने सहमति भएको हो ।

मतदान केन्द्रबाट मतपेटिका आइसकेपछि बसेको सर्वदलीय बैठकले राति ११.४५ बाट मतगणना थाल्ने सहमति गरेको राससका तनहुँ प्रतिनिधि कृष्ण न्यौपानेले जानकारी दिएका छन् ।

सो क्षेत्रमा कांग्रेसका गोविन्द भट्टराई,एमालेका सर्बेन्द्र खनाल र रास्वपाका स्वर्णिम वाग्लेबीच मुख्य प्रतिस्पर्धा छ । मत गणनाको अपडेट मध्यरातमै आउनेछ ।