सुर्खेत । रक्सी भन्दै सेनिटाइजर सेवन गर्दा एकजना बिरामी परेका छन् । सल्यान बागचौर नगरपालिकामा इमान डाँगीले रक्सी भनेर सेनिटाइजर सेवन गर्दा बिरामी भएका हुन् ।
बागचौर नगरपालिका–९ डाँगीगाउँ बस्ने अन्दाजी ५२ वर्षका इमान डाँगीले मादक पदार्थ सेवन गरी आफ्नै घरमा भएको २ सय ५० मिलिलिटरको बोतलमा राखेको सेनिटाइजर सेवन गरेपछि बिरामी परेका हुन् ।
बिरामी भएका डाँगीलाई उपचारका लागि स्थानीय सहज पोलिक्लिनिक थारमारेमा सामान्य उपचार गरिएको थियो ।
थप उपचारको लागि जिल्ला अस्पताल सल्यानमा ल्याइएको र त्यहाँ पनि सम्भव: नभए पछि नेपालगन्ज रिफर गरिएको कर्णाली प्रदेश प्रहरी कार्यालय सुर्खेतले जनाएको छ ।
उनको स्वास्थ्य अवस्थामा सुधार हुँदै आएको छ ।
Leave a Reply