पोखरा । गण्डकी प्रदेशका मुख्यमन्त्री खगराज अधिकारी र राष्ट्रपति विद्यादेवी भण्डारीबीच भेटघाट भएको छ ।
पोखरा क्षेत्रीय विमानस्थलमा वुधबार मुख्यमन्त्री अधिकारी, राष्ट्रपति भण्डारी र राष्ट्रिय सभाका अध्यक्ष गणेशप्रसाद तिमिल्सिनाबीच भेटघाट भएको हो ।
अन्तर्राष्ट्रिय विमानस्थलमा भएको भेटमा विमानस्थलबाट तत्काल अन्तर्राष्ट्रिय उडानका लागि आवश्यक पहलका विषयमा छलफल भएको मुख्यमन्त्रीका प्रेस संयोजन सुसन घिमिरेले जानकारी दिए ।
उक्त भेटमा नेपाल सरकारका मुख्य सचिव शंकरदास वैरागी, राष्ट्रपति कार्यालयका सचिव यादव प्रसाद कोइराला, गण्डकी प्रदेश सरकारका प्रमुख सचिव रबिलाल पन्त पनि सहभागी थिए ।
Leave a Reply