काठमाडौं। बार्सिलोनाले फेरी पनि सहज जित हासिल गर्दै स्पेनिस ला लिगाको शीर्षस्थान कायमै राखेको छ।घरेलु मैदानमा क्याडिजलाई २–० ले पराजित गर्दै बार्सिलोनाले शीर्षस्थान कायमै राखेको हो ।
स्पोटिफाई क्याम्प नोउमा आइतबार राति भएको खेलमा बार्सिलोनाले ८ अंकको स्पष्ट अग्रता बनाउँदै उपाधिमाथी दाबेदारी पनि कायमै राखिरहेको छ ।
४३औं सम्म बराबरीको खेल भए पनि त्यसपछि सर्जी रोबर्टोले गोल गर्दै बार्सिलोनालाई १–० को अग्रता दिलाए ।
पहिलो हाफको इन्ज्युरी समयको थप गरिएको पहिलो मिनेटमा नै रोबर्ट लेवान्डोस्कीले सर्जी रोबर्टोको पासमा गोल गर्दै बार्सिलोनाका लागि अग्रता दोब्बर पारे । लेवान्डोस्कीको सोही गोल नै जीतका लागि निर्णायक भयो ।
यस जितसँगै शीर्षस्थानको बार्सिलोनाले २२ खेलबाट ५९ अंक हासिल गरेको छ भने पराजित क्याडिज २२ अंकसहित १७औं स्थानमा छ ।
Leave a Reply