दोहा। जारी कतार विश्वकपमा सर्वाधिक गोल गर्ने खेलाडीका रुपमा अर्जेन्टिनाका लियोनल मेस्सीले फ्रान्सका केलियन एमबाप्पेसँग बराबरी गरेका छन्। क्रोएसियाविरुद्ध जारी सेमिफाइनलमा पेनाल्टीमार्फत गोल गर्दै मेस्सीले आफ्नो गोल संख्या ५ पुर्याएका हुन्।
मेस्सी र एमबाप्पे दुवैले समान ५ गोल गरेका छन्। पहिलो हाफको समाप्तीमा अर्जेन्टिना २–० गोलले अगाडि रहेको छ। मेस्सी विश्वकपमा सर्वाधिक गोल गर्ने अर्जेन्टिनी खेलाडी पनि बनेका छन्।
उनको गोल संख्या ११ पुगेको छ। यसअघि अघिल्लो खेलमा गोल गर्दै उनले गाब्रियल बाटिस्टुटाको कीर्तिमान बराबरी गरेका थिए।
Leave a Reply