जब मालिकलाई श्रद्धाञ्जली दिन पुग्यो बाँदर (भिडिओ)

काठमाडौं । मानिस र जनावर बिचको सम्बन्ध कुन हदसम्म घनिष्ठ हुन सक्ला ? के जनावर र मानिस बिच भावनात्मक सम्बन्ध हुन सम्भव छ ?

चेतनशिल प्राणी भएको हुनाले मानिस कुनै वस्तु वा प्राणीसँग भावनात्मक रूपमा नजिक हुने कुरालाई सहजै ग्रहण गर्न सकिएला तर हाल एक बाँदरले आफ्नो मालिक प्रति देखाएको भावनात्मक ‘जेस्चर’ ले इन्टरनेटलाई भावुक बनाएको छ । घटना पूर्वी श्रीलङ्काको हो, जहाँ एक बाँदर आफूलाई नियमित रूपमा खान दिने एक व्यक्तिको शवको नजिक पुगेर उनलाई श्रद्धाञ्जली व्यक्त गरिरहेको भिडिओ सार्वजनिक भएको छ ।

अस्ल सि सि नामक ट्विटर ह्याणडलबाट सार्वजनिक भएको ४५ सेकेण्ड लामो भिडिओमा बाँदरले शवको नजिक पुगेर हातले अनुहार सुमसुम्याइ रहेको र शव माथिको मालालाई हटाउन खोजेको देखिन्छ ।