काभ्रेपलाञ्चोक । नेकपा एकीकृत समाजवादीको पनौती नगरपालिका वडा नम्बर १२ को कमिटी एमालेमा समाहित भएको छ ।
बागमती प्रदेशका मन्त्री तथा नेकपा एस काभ्रेका अध्यक्ष वसुन्धरा हुमागाईँको गृह वडाको कमिटीले निर्णय नै गरेर नेकपा एमालेमा समाहित भएको हो ।
आइतबार बसेको बैठकले नेकपा एमालेमा समाहित हुने निर्णय गर्दै एमालेमा फर्केपछि साबिकको जिम्मेवारीमा समायोजन गर्ने सहमति समेत भएको निर्णयमा उल्लेख छ ।
एमालेमा समाहित हुने निर्णयमा जिल्ला कमिटी सदस्य लक्ष्मण कार्की, उपाध्यक्ष देवगराज केसी,वडा कमिटी इन्चार्ज क्षेत्रबहादुर तामाङ,वडा कमिटी अध्यक्ष प्रह्लाद केसीलगायत १६ जना नेताहरूले हस्ताक्षर गरेका छन् ।
यो वडामा गत स्थानीय तहको निर्वाचनमा नेकपा एसका जयराम केसी वडाध्यक्ष विजयी भएका थिए ।
Leave a Reply