चुनावी साझा प्रतिबद्धता तयार भइसकेको अध्यक्ष नेपालको दाबी

काठमाडौं । सत्ता गठबन्धनले साझा प्रतिबद्धता तयार पारेको छ । नेकपा एकीकृत समाजवादीका अध्यक्ष माधव नेपालले गठबन्धनका संयुक्त अपिल तयार भइसकेको बताएका हुन् ।

ललितपुरमा आयोजित गठबन्धनको चुनावी प्रशिक्षण कार्यक्रमलाई सम्बोधन गर्दै उनले भने, ‘हामीले तीन वटै पार्टीको तर्फबाट संयुक्त अपिल अगाडि बढाउँदै छौँ । हामीले हस्ताक्षर गरिसकेका छौँ । छाप्न गएको छ । त्यही लिएर तपाई चुनावमा भोट माग्न जानुपर्छ। साझा प्रतिबद्धताबारे तपाईँहरूले व्याख्या विश्लेषण गर्नुपर्छ। हामीलाई सबैको साथ चाहिन्छ ।’

साझा प्रतिबद्धता पत्रमा राष्ट्रिय जनमोर्चाले भने हस्ताक्षर गरेको छैन।