काठमाडौं । केन्द्रीय कारागारमा रहेका गुन्डा नाइके समिरमानसिंह बस्नेतलाई भेटेको आरोपमा डीएसपी मिलन केसीमाथि विभागीय कारबाही भएको छ ।
काठमाडौं उपत्यका प्रहरी कार्यालय रानीपोखरीले केसीलाई विभागीय कारबाही गरेको हो ।
यसअघि काठमाडौं प्रहरी कार्यालयका एसपी दिनेश मैनालीको संयोजकत्वमा गठित समितिले केसीबाट लापरबाही भएको भन्दै विभागीय कारबाही गर्न सिफारिस गरेको थियो । केसी स्वयम्भू प्रहरी वृत्त प्रमुख रहेका थिए ।
सार्वजनिक बिदाको दिन पारेर केसीले माथिल्लो निकायलाई जानकारी नदिई जेल पुगेर बस्नेतलाई भेटेको आरोप लागेको थियो ।
नेपाल निर्माण व्यवसायी महासंघका अध्यक्ष शरदकुमार गौचनको हत्यामा योजनाकारको आरोप लागेका बस्नेत पुर्पक्षका लागि जेलमा रहेका छन् ।
Leave a Reply