काठमाडौं । उमेर बढेसँगै बालकलाकारको भूमिकामा फिट नभएको भन्दै चलचित्र ‘नाई नभन्नु ल ६’ बाट अनुभव रेग्मी बाहिरिएका थिए ।
अनुभव बाहिरिएसँगै चलचित्रमा बालकलाकारको रुपमा को आउँला भन्ने सबैमा उत्सुकता थियो। सबैको उत्सुकतालाई पन्छाउँदै चलचित्रमा अभिनेता निखिल उप्रेती र अभिनेत्री सञ्चिता लुइँटेलका १० वर्षीय छोरा अथर्वले अभिनय गर्ने खबर बाहिरिएको छ।
चलचित्र निर्माता एवं निर्देशक विकासराज आचार्यले उप्रेती परिवारलाई प्रस्ताव पठाएता पनि अहिलेसम्म फाइनल निष्कर्ष भने आइसकेको छैन। चलचित्रमा दुई बालकलाकारहरुको अभिनय रहने छ जसमध्ये टिकटकस्टार एभेलिना खड्का भने फाइनल भइसकेकी छन्। एक लाख बढी फलोअर्स भएकी एभेलिनालाई अथर्वले साथ दिन्छन या दिँदैनन् भन्ने कुराको निष्कर्ष केही दिनमा आउने छ।
दशैंपछिबाट छायांकन सुरु हुने चलचित्र ‘नाइ नभन्नु ल ६’ मा नायिका आँचल शर्मालाई नवनायक आशीर्वाद बरालले साथ दिने भएका छन्।
Leave a Reply