साँचो भनौँ त
मैले तिमिलाई याद गर्दिन
तिमी आफै याद आउँछौ
ठिक, उस्तै
जसरी वर्षात पछि
माटोको सुगन्ध आउँछ
ठिक, उस्तै
मेरो झ्याल बाहिरको गुलाबको
फूलको सुगन्ध मेरो कोठा सम्म आउँछ
ठिक, उस्तै
जसरी वसन्तमा
बोट बिरुवाहरूमा नयाँ हरियाली आउँछ ।
जब तिम्रो याद आउँछ
एक भ्रम नै सही
तर हरेक समय
मनलाई यही महसुस हुन्छ की
तिमी यही कहीँ छौ
मेरो वरिपरि मेरै साथमा ।
न म बादल बन्छु
न तिमी पहाड नै
फेरि पनि हामी मिल्छौ
ठिक, उस्तै
जसरी घाँस मिल्छ माटोसँग
ठिक, उस्तै
जसरी रुखहरू मिल्छन् पातहरूसँग
ठिक, उस्तै
जसरी माछा मिल्छन् पानीसँग
ठिक, उस्तै
जसरी दुख मिल्छ एकान्तसँग
ठिक, उस्तै
जसरी नदी मिल्छन् समुन्द्रसँग ।
तिम्रो प्रेममा परेर मैले यो कुरा थाहा पाए कि
प्रेम त्यो हैन जसको साथमा हामीले
आफ्नो समय खर्च गर्छौ
प्रेम त त्यो रहेछ
जो साथमा नहुँदा पनि
उसको हिस्सा आफ्नो हृदयको कुनामा
सजाएर राख्ने गर्छौ ।
लेखक :-जयराज जाेशी
Leave a Reply