काठमाडौं । नेपाली कांग्रेसका नेता डा. शेखर कोइराला नेतृत्वको समूहले स्थानीय निर्वाचनमा तालमेल गर्ने बारेको निर्णय केन्द्रीय समितिले मात्रै गर्न नमिल्ने बताएको छ ।
कमलपोखरीस्थित एक होटलमा बसेको कोइराला समूहको बैठकले पार्टीको विधानले महानगरको मेयर र उपमेयर बाहेक अन्य स्थानीय तहबारे निर्णय गर्ने क्षेत्राधिकार प्रदेश, जिल्ला र प्रतिनिधिसभा क्षेत्रीय समितिलाई दिएका कारण क्षेत्राधिकार बाहिर गएर निर्णय गर्न नमिल्ने निष्कर्ष निकालेको हो ।
बैठकले नेपाल विद्यार्थी संघ र तरुणदलको तदर्थ समिति अध्यक्ष चयनमा पनि असन्तुष्टि जनाएको छ ।
केन्द्रीय कार्य सम्पादनसमिति बैठकले सभापति शेरबहादुर देउवालाई दिएको म्याण्डेड विपरित अध्यक्ष चयन गरिएको बैठकमा सहभागी एक नेताले बताए ।
सभापतिले अध्यक्ष चयनका सन्दर्भमा आफूहरुसँग कुनै पनि छलफल र परामर्श नगरेको भन्दै कोइराला समूह असन्तुष्ट बनेको हो ।
बुधबार मात्रै सभापति देउवाले तरुण दलको अध्यक्षमा विद्वान गुरुङ र नेविसंघको अध्यक्षमा दुजाङ शेर्पालाई मनोनीत गरेका थिए ।
Leave a Reply