काठमाडौं । नेपाली कांग्रेसका केन्द्रीय सदस्य नैनसिंह महरले राष्ट्रिय आविष्कार केन्द्रका अध्यक्ष महाविर पुनसँग भेटवार्ता गरेका छन् ।
केन्द्रको मुख्यालयमै पुगेर युवा नेता महरले अध्यक्ष पुनसँग कांग्रेस पार्टी र सरकारले अवलम्बन गर्नुपर्ने नीतिका बारेमा छलफल गरेका हुन् ।
छलफलपछि अध्यक्ष पुनले तिनै तहको सरकारले पुँजीगत बजेटको कम्तीमा पनि १ प्रतिशत आविष्कार, अनुसन्धान र प्रविधिका क्षेत्रमा विनियोजन गर्नुपर्ने सुझाव दिएका नेता महरले बताए ।
पुनको सुझावपछि छलफलका क्रममा नेता महरले काग्रेस पार्टी ‘गाउँ गाउँ जाउ कांग्रेस जिताउँ’ अभियानका साथ चुनावमा जान थालेको र पार्टीका तर्फबाट तिनै तहको निर्वाचनका लागि घोषणा पत्र निर्माण गर्दा आविष्कारअनुसन्धानको विकासमा १ प्रतिशत बजेट विनियोजन गर्न पार्टीमा प्रस्ताव पेस गर्न हरसम्भव प्रयास गर्ने बताए ।
महरसँगै आविष्कार केन्द्र पुगेका जनसम्पर्क समिति अमेरिकाका अभियान्ता ओम कोइरालाले आविष्कार केन्द्रको विकासका लागि निरन्तर सहयोग गरिरहने प्रतिबद्धता जनाए ।
Leave a Reply