महिलाको ३३ प्रतिशत हक एमालेको प्रस्तावमा पारित भएको हो, माओवादी जनयुद्धको एजेण्डा होइन : ओली (भिडिओ)

काठमाडौं । नेकपा एमालेका अध्यक्ष केपी शर्मा ओलीले राज्यका सबै तहमा ३३ प्रतिशत महिला सहभागिता माओवादी युद्धको एजेण्डा नभएको भन्दै यसलाई एमालेको नेतृत्वमा २०६३ सालमा पुनर्स्थापित संसदले पारित गरेको बताएका छन् ।

एमाले निकट अखिल नेपाल महिला संघको मंगलवार काठमाडौंमा शुरु भएको केन्द्रीय समिति बैठकलाई सम्बोधन गर्दै अध्यक्ष ओलीले अनेमसंघकी तत्कालीन अध्यक्ष विद्या भण्डारीको प्रस्तावमा कांग्रेस लगायतका दलका प्रतिनिधिहरुले समर्थन गरेर २०६३ जेठ १६ गते संसदबाट पारित भएको स्मरण गरे ।

बैठकमा ओलीले भने- म कतै कतै सुन्ने गर्छु हाम्रो जनयुद्धले गर्दा महिलाको ३३ प्रतिशत पुर्यायौं भन्छन् ।तर त्यसको कुनै भूमिका छैन । ३३ प्रतिशतको अवधारण अखिल नेपाल महिला संघले ल्याएको हो । त्यो भनेको एमालेबाट आएको हो । अहिलेको राष्ट्रपतिज्यूको अगुवाईमा २०६२÷६३ को जनआन्दोलनपछि पुनस्र्थापित प्रतिनिधिसभाले त्यो निर्णय गरेको हो ।

तस्बिरहरू : उमेश कार्की ।