काठमाडौं । चलचित्र विकास बोर्डले कोभिड-१९ संक्रमण रोकथामका लागि सरकारले जारी गरेका मापदण्डलाई पालना गरेर फिल्म छायांकनलाई निरन्तरता दिन आग्रह गरेको छ ।
गत शुक्रबार बसेको मन्त्रिपरिषद् बैठकले माघ मसान्तसम्म अत्यावश्यक बाहेक भीडभाड नगर्न र गर्नैपरे प्रशासनको अनुमतिमा २५ जना भेला भएर काम गर्न अनुमति दिने निर्णय गरेको थियो ।
चलचित्र विकास बोर्ड अध्यक्ष दयाराम दाहालले खोप लगाएका कास्ट एन्ड क्रिउसहित २५ जनाको उपस्थितीमा स्वास्थ्य मापदण्ड पालना गरेर फिल्म छायांकनलाई निरन्तरता दिन अनुमति दिइएको बताएका छन् ।
‘सरकारले जे आदेश दिएको छ, सोही नियमलाई पालना गरेर फिल्म सुटिङ गर्न सकिनेछ’ नेपाल प्रेससँग अध्यक्ष दाहालले भने, ‘भीडभाड नगरी काम गर्न सकिनेछ ।’ सरकारको निर्णयपछि फिल्म हलहरु बन्द भएका छन् भने जारी सुटिङ र सुटिङमा जाने तयारीमा रहेका फिल्म समेत अन्यौलमा थिए ।
फिल्मसहित अहिले मुलुकका विभिन्न स्थानमा म्युजिक भिडिओ छायांकन भैरहेका छन् ।
Leave a Reply