काठमाडौं । नेपाल सरकारका सहसचिव कृष्णबहादुर राउत सचिवमा बढुवा भएका छन् ।
बुधवार सिंहदरवारमा बसेको मन्त्रिपरिषद् बैठकले बढुवा सिफारिस समितिले पहिलो नम्बरमा सिफारिस गरेका राउतलाई बढुवा गर्ने निर्णय गरेको हो ।
लोक सेवा आयोगका अध्यक्ष माधवप्रसाद रेग्मीको अध्यक्षतामा मंगलवार सिंहदरवारमा बसेको बढुवा सिफारिस समितिको बैठकले पहिलो नम्बरमा सहसचिव राउतसँगै दोस्रो नम्बरमा रामेश्वर दंगाल र तेस्रो नम्बरमा मुकुन्दप्रसाद निरौलाको नाम सिफारिस गरेको थियो ।
राउत प्रधानमन्त्री तथा मन्त्रिपरिषदको कार्यालयका सहसचिव एवं प्रवक्ताको रुपमा कार्यरत रहेका छन् । सहसचिवबाट सचिवमा बढुवा भएपछि अब राउत प्रदेश प्रमख सचिवमा पदस्थापन हुनेछन् वा कुनै मन्त्रालयको जिम्मेवारी दिइने छ ।
Leave a Reply