जनकपुरधाम । लोकतान्त्रिक समाजवादी पार्टी (लोसपा) प्रदेश २ संसदीय दलका नेता जीतेन्द्र सोनलले राजीनामा दिएर मार्गप्रशस्त गर्न मुख्यमन्त्री लालबाबु राउतलाई सुझाएका छन् ।
लामो समयपछि बसेको प्रदेशसभा बैठकमा प्रतिपक्षी लोसपा संसदीय दलका नेता सोनलले ‘मुख्यमन्त्री बेटी बचाऊ, बेटी पढाऊ’ अभियानअन्तर्गत वितरण गर्न खरिद गरिएको साइकलमा भ्रष्टाचार भएको अख्तियारको पहिलो चरणको अनुसन्धानले ठहर गरिसकेकाले राजीनामा दिन भनेका हुन् ।
उनले कृषि विश्वविद्यालय र प्राविधिक विश्वविद्यालय सम्बन्धी जारी अध्यादेश फिर्ता लिन प्रदेश सरकारसँग माग गरेका छन् ।
अध्यादेश फिर्ता लिन माग गरेका हुन् । लोकतान्त्रिक मूल्य मान्यताविपरीत प्रदेशसभा छलेर सरकारले अध्यादेश जारी गरेकोमा उनले विरोध गरे ।
‘हाउस बन्द गरेर अध्यादेश ल्याउनु लोकतन्त्र र गणतान्त्रिक व्यवस्थाको अबमुल्यन गर्नु हो’, उनले भने, ‘सरकारले सिस्टम नै ब्रेक गर्न खोजेको देखियो ।’ कृषि र प्राविधिक विश्वविद्यालय स्थापना सम्बन्धी विधेयक सदनमा आएको भए र छलफल भएर पास भएको भए प्रदेशबासी खुसी हुने उनको भनाइ छ ।
Leave a Reply