रुपन्देही । पाल्पाको तानसेन नगरपालिका–९ दमकडाँमा ट्याक्टर दुर्घटना हुँदा चालकको मृत्यु भएको छ ।
शनिबार दमकडाँस्थित देउरालीबाट दाउरा लोड गरी दमकडाँतर्फ गइरहेको लु ४ त ५४३८ नम्बरको ट्याक्टर अचानक ब्रेक फेल भई दुर्घटना भएको प्रहरीले जनाएको छ ।
दुर्घटनामा दमकडाँका ४१ वर्षीय दिपक ढकालको मृत्यु भएको जिल्ला प्रहरी कार्यालय पाल्पाका प्रहरी निरिक्षक लक्ष्मण पचभैयाले बताए ।
उनको लुम्बिनी मेडिकल कलेज प्रभासमा उपचारका क्रममा मृत्यु भएको हो ।
दुर्घटनामा परी सहचालक बगनासकाली गाउँपालिका–२ का २१ वर्षीय हिरा कुमाल घाइते भएका छन् ।
Leave a Reply