संस्कृतको श्लोक लेख्दै घनश्यामले गरे लडाईं लड्ने कुरा

काठमाडौं । एमालेमा सर्वसम्मतरुपले नयाँ नेतृत्वको चयन गर्ने प्रयास जारी छ । केही नेताहरुले भने विभिन्न पदमा उम्मेदवारी घोषणा गरिसकेका छन्, जसमध्ये एक हुन् सचिव घनश्याम भुषाल ।

उपाध्यक्ष पदका आकांक्षी भुषाल अन्तिम समयमा आफ्नो घोषणाबाट फिर्ता हुन सक्ने अनुमान पनि गरिएको छ । पार्टीले हिजो पदाधिकारी संख्या थपेपछि उनलाई समेटिने आशा शुभचिन्तकहरुले गरेका छन् । तर, भुषालले भने सामाजिक सञ्जालमार्फत चुनाव लड्ने संकत देखाएका छन् ।

ट्विटरमा एउटा संस्कृति श्लोक लेख्दै भुषालले यस्तो संकेत गरेका हुन् ।

उनले लेखेको श्लोक यस्तो छः
सुखदुःखे समे कृत्वा लाभालाभौ जयाजयौ ।। ततो युद्धाय युज्यस्व नैवं पापमवाप्स्यसि ।।
यस श्लोकको अर्थ हुन्छ– जय–पराजय, लाभ–हानी र सुख–दुखलाई समान सम्झिँदै युद्धका लागि तयार बन । यसरी युद्ध लड्दा पाप लाग्दैन । के भुषालले पार्टीको चुनावलाई यस्तै लडाईंका रुपमा लिएका हुन् त ? धेरैले यही आशंका प्रकट गरेका छन् ।