एमाले महासचिवको घोषणा- महाधिवेशनमा प्यानल बन्दैन, प्यानलको सूची बाँड्दैनौं

काठमाडौं । नेकपा (एमाले) का महासचिव ईश्वर पोखरेलले १० औं महाधिवेशनमा नेतृत्व चयनका लागि प्यानल नबनाउने र सूची पनि नबाँड्ने बताएका छन् ।

महाधिवेशनमा जनपरिचालनबारे बुधबार वागमती प्रदेश कमिटीले आयोजना गरेको कार्यक्रममा पोखरेलले सहमतिमै नेतृत्व चयन हुने बताए ।

‘हाम्रोमा प्यानल बन्दैन, प्यानलको सूची बाँड्दैनौं,’ हामीलाई व्यक्तिगतरूपमा साथीहरूले मत दिनुहुन्छ ।’

पोखरेलले देशको राजनीति अहिले दुई ध्रुवमा ध्रुवीकृत भएको भन्दै एउटा ध्रुवको नेतृत्व केपी ओलीले गरेको बताए । अर्को ध्रुवको नेतृत्व सत्ता गठबन्धनले गरेको भन्दै उनले उक्त गठबन्धन विचार र सिद्धान्तहीन भएको अरोप लगाए ।