काठमाडौं । संस्कृति, पर्यटन तथा नागरिक उडड्यन मन्त्री प्रेमबहादुर आलेले चारधामलाई शिव सर्किटको रुपमा विकास गर्नुपर्ने सरकारको योजना रहेको बताएका छन्। आजदेखि सुरु भएको पशुपतिनाथ–काशी विश्वनाथसम्मको अमृत महोत्सव मोटरसाइकल र्यालीको उद्घाटन गर्दै उनले सो कुरा बताएका हुन् ।
भगवान शिवले बास गरेका चार धामहरू पशुपतिनाथ, काशी विश्वनाथ, केदारनाथ र बद्रीनाथलाई शिव सर्किट कनेक्शनको रूपमा विकास गर्नुपर्ने उनको भनाई छ । ‘यो सर्किटको विकासले शिवालयहरूप्रति धार्मिक आस्था बढेर जानेछ’ उनले भने ।
नेपाल–भारतबीच सदियौंदेखिको सांस्कृतिक सम्बन्ध रहिआएको उनले बताए । पशुपतिनाथदेखि काशी विश्वनाथ सम्मको मोटरसाइकल र्यालीले नेपाल भारत सम्बन्ध प्रगाढ हुने र हिन्दू धर्मको गरिमा उच्च रहने विश्वास उनले व्यक्त गरेका छन् ।
भारतीय राजदूत विनयमोहन क्वात्राले उक्त कार्यक्रममा बोल्दै नेपालको पशुपतिनाथ मन्दिर र भारतको काशी विश्वनाथ मन्दिरले दुई देशको समाज र सम्बन्धलाई जोडेको बताए ।
Leave a Reply