धनुषाको मालटोलमा बस दुर्घटना, १२ यात्रु घाइते

जनकपुरधाम । पूर्वपश्चिम राजमार्गअन्तर्गत धनुषाको मालटोलमा ना. ६ ख ७१०२ नम्बरको यात्रुबाहक बस दुर्घटना भएको छ ।

राजमार्गभन्दा २० फिट तल खसेपछि बसमा आगो लागेको छ ।

दाङबाट विराटनगरका लागि छुटेको उक्त बस बिहान करिब ८ बजे दुर्घटना हुँदा १२ यात्रु घाइते भएका छन् ।

बसका चालक र सहचालक भने फरार छन् । आगो लागेपछि बस क्षतिग्रस्त बनेको इलाका प्रहरी कार्यालय ढल्केबरले जनाएको छ ।