काठमाडौं । आठ हजारमाथिका संसारका १४ अग्ला हिमालको सफल आरोहण गर्ने नेपाली आरोही निर्मल पूर्जालाई लिएर नेटफिल्क्सले फिल्म निर्माण गरेको छ ।
‘फोर्टिन पिक्स : नथिङ इज इम्पोसिबल’ नाम दिइएको उक्त डुकेमन्ट्री फिल्मको ट्रेलर आगामी साता रिलिज हुने भएको छ । यो फिल्मले ६ महीना ६ दिनभित्रै कसरी म्याग्दी जिल्लाका पूर्जाले शेर्पा आरोहीको सहयोगमा हिमाल चढे भन्ने चित्रण गरेको छ ।
नेटफिल्क्सले यो फिल्मलाई आगामी नोभेम्बर २९ मा विश्व प्रिमियर गर्ने घोषणा गरेको छ । यो फिल्म ३१ विभिन्न भाषामा हेर्न पाइने पूर्जाले बिहीवार एक विज्ञप्ति जारी गर्दै जनाएका छन् ।
‘म मानिसहरुलाई ठूला पर्वतप्रतिको माया दर्शाउनतर्फ प्रेरित गर्न चाहन्थेँ’ उनले विज्ञप्तिमा भनेका छन्, ‘तर, तपाईंले कुनै पनि लक्ष्य हासिल गर्ने द्धृढ लक्ष्य तय गर्नुभयो भने तपाईंलाई त्यो लक्ष्य हासिल गर्न कुनै पनि कुराले रोक्न सक्दैन ।’
फिल्मको घोषणा गर्दै पूर्जाले आफूलाई खुशि तुल्याएको बताएका छन् । ‘फिल्म घोषणा गर्न पाउँदा म निकै खुशि छु’ उनले भनेका छन्, ‘म यो अध्यायका लागि निकै खुशि छु । यो चुनौतिमा मलाई साथ दिनुभएकोमा सबैलाई धन्यवाद ।’
Leave a Reply