काठमाडौं । एएफसी यु-२३ एसियन कप छनोटको तयारीमा रहेको नेपाली टोलीको बन्द प्रशिक्षणबाट १० खेलाडी बाहिरिएका छन् । मुख्य प्रशिक्षक बाल गोपाल महर्जनले ३२ सदस्यीय टोली घोषणा गर्दा १० खेलाडीलाई बाहिर राखेका हुन् ।
छनोटमा समूह ‘बी’मा रहेको नेपालले इरान, लेबनान र ताजिकिसेतानसँग खेल्ने छ । ताजिकिस्तानमा हुने छनोटको पहिलो खेलमा नेपालले अक्टोबर २५ मा इरान र घरेलु टोलीसँग २८ मा खेल्ने छ । यस्तै, अन्तिम खेलमा नेपाल र लेबनान अक्टोबर ३१ मा भिड्ने छन् ।
समूह ‘बी’को छनोटका सबै खेल डुशान्बेस्थित रिपब्लिकन सेन्ट्रल स्टेडियममा हुनेछन् ।
३२ सदस्यीय नेपाली यु-२३ टोली: अर्पण कार्की, विशाल सुनार, अविषेक बराल, रोहित कार्की, सुमन अर्याल, गौतम श्रेष्ठ, राजन गुरुङ, आशिम भुसाल, रन्दीप पौडेल, विश्वास उदास, विशाल बस्नेत, रोमन लिम्बु, अहिल हामिद, अशोक थापा, अनिल महर्जन, अभिषेक लिम्बु, शिव गुरुङ, नितिन थापा, सुरज जेउ ठकुरी, आयुष घलान, शेशेहाङ आङ्देम्बे, दिपेश गुरुङ, राजिभ लोप्चन, शिशिर लेखी, आकाश बुढा मगर, रोशन पहाडी, रितिक खड्का, मनिष डाँगी, अभिषेक रिजाल, दर्शन गुरुङ, बुद्धबल तामाङ, एरिक विष्ट ।
Leave a Reply