रामकुमारीलाई ओलीको व्यंग्य- फिल्मी स्टाइलमा ज्याकेट फ्याँक्नेहरू, देशको बारेमा बोल्न पाइन्छ कि पाइँदैन ? (भिडिओ)

काठमाडौं । नेकपा (एमाले) का अध्यक्ष केपी शर्मा ओलीले नेतृ रामकुमारी झाँक्रीप्रति कटाक्ष गर्दै देशका बारेका बोल्न पाइन्छ कि पाइँदैन भनेर प्रश्न गरेका छन् ।

‘जो मन्त्री हुनलाई खुट्टो उचालेर ठिक्क परेका छन्, तीनै मान्छे हिजो ज्याकेट दर्शकतिर फुत्त फ्याँकेर, आफैंले टाँसेको टेप (सरकारले टाँसिदिएको थिएन) फिल्मी स्टाइलमा फुकालेर बोल्न पाइन्छ भन्थे,’ ओलीले भने, ‘अहिले सोध्न चाहन्छु म तिनीहरू र तिनका सरकारलाई- बोल्न पाइन्छ कि पाइँदैन नेपालमा ? देशको बारेमा बोल्न पाइन्छ कि पाइँदैन । राष्ट्रियताको बारेमा बोल्न पाइन्छ कि पाइँदैन ?’

युवासंघको कार्यक्रमलाई सम्बोधन गर्दै उनले उनले थपे, ‘अहिले किन भन्न सक्दैनन ती दलहरू ? ती दलका नेताहरु ? ती सरकारमा बसेकाहरू ? सरकारका सहयोगीहरू ? अपराधका हिस्सेदारहरू ?’