विचारहीनताबाट पार्टीमा समस्या शुरू भएको हो, फेरि पनि हस्तक्षेपको खाँचो छ: भुसाल

काठमाडौं । नेकपा एमालेका नेता घनश्याम भुसालले विचारहीनताबाट पार्टीभित्र समस्या शुरू भएको भन्दै फेरि पनि हस्तक्षेपको खाँचो भएको बताएका छन्।

‘हाम्रो पार्टीको मुख्य समस्या विचारहीनता र सिद्धान्तहीनताबाट शुरू भएको हो,’ एमाले विभाजनमा कतै नखुलेका भुसालको भनाइ छ, ‘कम्तीमा संगठनात्मक विधि स्थापित गर्दा ती समस्या समाधान गर्ने ढोका खुल्थ्यो ।’

‘त्यसमा पनि इमान्दार नहुँदा हामी तीव्ररूपमा विसर्जनतर्फ जाँदैछौं। जति धेरै बेइमानी त्यति धेरै सत्यानाश । फेरि पनि हस्तक्षेपको खाँचो छ,’ भुसालको जोड छ ।

विघटित एमाले विवाद समाधन कार्यादल सदस्यसमेत रहेका भुसालले अझै पनि केही समय तटस्थ रहेर पार्टी एकताको पहल गर्ने बताएका छन् । तर, हिजै माधव नेपाल नेतृत्वमा एमाले-समाजवादी दर्ता भएसँगै नेकपा एमालेमा विभाजन आइसकेको छ।