काठमाडौं । जनता समाजवादी पार्टीका संघीय परिषद अध्यक्ष तथा पूर्व प्रधानमन्त्री डा.बाबुराम भट्टराईले माधव नेपाल समूहलाई एमालेमा नफर्किन सचेत गराएका छन् ।
माधव समूह एमालेमा फर्किए फेरि पनि मुलुक चुनावमा जान सक्ने भन्दै भट्टराईले त्यो संवैधानिक चुनाव वा अर्ली इलेक्सनले संविधानको आत्मा नै मार्न सक्ने बाबुरामको ठहर छ ।
केपी ओलीले गरेको प्रतिनिधिसभा विघटनले संविधानको हत्या गरेको भन्दै बाबुरामले अब हुने संसद विघटनले संविधानको आत्मा मार्न सक्ने भएकाले ढुक्क भएर आ आफ्ना पार्टी वा गुटमा नफर्कन आग्रह गरेका छन् ।
बाबुरामले भनेका छन्– ‘कोरोना झैं प्रतिगमनको पनि नयॅा भेरिएन्ट आउनसक्छ है१ पहिलो असंवैधानिक भेरिएन्ट पराजित भएपनि दोश्रो संवैधानिक वा अर्ली इलेक्सन भेरिएन्ट आउनसक्छ । पहिलोले संविधानको सशरीर हत्या गर्दैथियो भने दोश्रो चाहिं संविधानको आत्मा मार्नेगरी आउनसक्छ। ढुक्क भएर आ-आफ्ना पार्टी वा गुटतिर नफर्कौं ।
एमालेको माधव नेपाल पक्षले १० बुँदे सहमतिका आधारमा पार्टी एकताको निर्णय गरे लगत्तै बाबुरामले माधव पक्षको नाम नलिई उनीहरु एमालेमा फर्किए संसद विघटन हुने खतरा औंल्याएका छन् ।
Leave a Reply